Student Message Board





هەواڵ
وەزارەتی خوێندنی باڵا ڕێنماییەکانی بۆ خوێندکاران بڵاوکردەوە
وەزارەتی خوێندنی باڵاو توێژینەوەی زانستی حکومەتی ھەرێم ڕێنمایی نوێ بۆ گواستنەوەو دابەزاندن و پەڕینەوە (عبور) لەزانکۆو پەیمانگەکانی ھەرێم بۆ ساڵی نوێی خوێندنی (2017 ـ 2018) بڵاودەکاتەوە، لێپرسراوی تۆماری گشتیی زانکۆی سلێمانیش پەیامێک ئاراستەی خوێندکاران دەکات.

سەبارەت بەگواستنەوەی خوێندکاران وەزارەتی خوێندنی باڵا ڕایگەیاندوە، ((خوێندکاران مافی گواستنەوەیان دەبێت لەگشت قۆناغەکان لەنێوان زانکۆو پەیمانگەکانی ھەرێم (جگە لەقۆناغی یەکەم)، بەڵام بەژمارەیەک مەرج دیاریکراوە)).

ھەر بەگوێرەی ڕێنماییەکە، "گواستنەوەی خوێندکاران و خوێندکاران لەشارەکانی ناوەڕاست و باشوری عیراق بۆ زانکۆو پەیمانگەکانی ھەرێم، سنوردار دەبێت".

بۆ بابەتی (عبور)یش، ڕێنماییەکە ئەوەی ڕونکردۆتەوە، "یەک وانەی ساڵانەو دوو وانەی وەرزیی بۆ پەڕینەوە دەبێت".

لەلایەکی دیکەشەوە د.چۆمان عومەر لێپرسراوی تۆماری گشتیی زانکۆی سلێمانی بەSNNی ڕاگەیاند، "لەڕۆژی پێنجشەممەوە ڕێنماییەکانی دابەزاندنمان بەدەستگەیشتوە، بەڵام تائێستا وردبینیمان تێدا نەکردوە تاوەکو گشتاندنی پێبکەین بۆ تۆماری زانکۆکان".

ئەوەشی وت:"لەسبەینێ یەکشەممەوە خوێندکاران دەتوانن بۆ وەرگرتنی زانیاریەکان لەسەر ئەو دابەزاندنە سەردانی تۆماری زانکۆکان بکەن بۆ بینینی ڕێنماییەکان و بەرچاو ڕونی زیاتر".

ئەوەشی ڕونکردەوە، ڕێنماییەکانی ئەمساڵ لە 90%ی وەکو ساڵانی ڕابردوە، ھەر خوێندکارێکیش ئەو ڕێنماییانە نەیگرتەوە، دەتوانێت بەشێوەی پارالێل بەردەوامبێت، واتە خوێندنەکەی لەبەیانیانەوە بۆ ئێواران داببەزێنێت و بەپارە بخوێنێت.



ئاگادارییه‌كی گرنگ له‌ ڕاگرایه‌تی كۆلێژی كارگێڕی گشتی و به‌ڕێوه‌بردنی سامانی سروشتییه‌وه‌..

posted Nov 14, 2017, 8:38 AM by AdminAdministration and NaturalManagement College

ڕاگرایه‌تی كۆلێژی كارگێڕی گشتی و به‌ڕێوه‌بردنی سامانی سروشتی............. سه‌رجه‌م مامۆستایان و فه‌رمانبه‌ران و خوێنكارانی خۆشه‌ویست ئاگادار ده‌كاته‌وه‌ كه‌ ڕۆژی شه‌ممه‌ ڕێكه‌وتی  18/11/2017 ده‌وامی ئاساییه‌ له‌ كۆلێژ و پێویسته‌ هه‌وان پابه‌ندی ده‌وام بن ...

له‌گه‌ڵ ڕێز  ...

ڕاگرایه‌تی كۆلێژی كارگێڕی گشتی و به‌ڕێوه‌بردنی سامانی سروشتیی

ده‌رباره‌ی پشووی زانكۆی چه‌رموو..

posted Oct 7, 2017, 1:11 AM by AdminAdministration and NaturalManagement College

ئاگاداری سه‌رجه‌م مامۆستایان و كارمه‌ندان و خوێنكارانی زانكۆمان ده‌كه‌ینه‌وه‌ كه‌ ڕۆژی یه‌كشممه‌  8-10-2017 پشووی فه‌ڕمییه‌ له‌ زانكۆ وه‌ك ماته‌مێك بۆ گیانی پاكی سه‌رۆك مام جلال، ڕۆژی دوو شه‌ممه‌ 9-10-2017 ده‌وامی ئاسایی ده‌ست پێده‌كات.

تێبینی :
دابه‌ش كردنی به‌شه‌ناوخۆیی هه‌مان ڕۆژ واته‌ دووشه‌ممه‌ 9-10-2017 ده‌بێت بۆ ئاگاداریتان...

سه‌رۆكایه‌تی زانكۆی چه‌رموو

بەشی زمانی (کوردی و ئینگلیزی) به‌ سیسته‌می خوێندنی ئێواران لە کۆلێژی پەروەردە و زانستەسروشتیەکانی زانكۆی چه‌رموو ده‌كرێته‌وه‌..

posted Oct 4, 2017, 9:43 AM by AdminAdministration and NaturalManagement College

كردنەوەی هەردوو بەشی زمانی (کوردی و ئینگلیزی) خوێندنی ئێواران لە کۆلێژی پەروەردە و زانستەسروشتیەکان

پاڵپشت بە بڕگەی (سیانزەیەم)  لە ڕێنماییەکانی فەرمانگەی خوێندن و بەدواداچون\ وەزارەتی خوێندنی باڵاو توێژینەوەی زانستی بۆ ساڵی خوێندنی (٢٠١٧-٢٠١٨)/ بەشی دووەم زانکۆی چەرموو بڕیاریدا بە کردنەوەی بەشی (کوردی ، ئینگلیزی) لە کۆلێژی پەروەردە و زانستەسروشتیەکان/خوێندنی ئێواران) بەم مەرج و ڕێنماییانەی لای خوارەوە.
1. خوازیار دەبێت بڕوانامەی پۆلی شەشەمی ئامادەیی (زانستی ، وێژەیی) هەبێت.
2. دەرچوانی کۆلێژو پەیمانگەکان مافی پێشکەشکردنیان هەیە لەسەر بنەمای کۆنمرەی ئامادەییان.
3. دەرچوانی پەیمانگەی دوو ساڵییەکان و دەرچوانی پەیمانگەی پێنج ساڵییەکان و دەرچوانی خانەی مامۆستایان مافی پێشکەسکردنیان هەیە لە سەر بنەمای پەیمانگەکەیان.
4. ڕەچاوی ساڵی دەرچون و تەمەن وانەی پەیوەنددار ناکرێت.
5. مەرجی کۆنمرەی وەرگرتن لە (60%) بێت و لە کاتی پڕنەکردنەوی پلانی وەرگرتندا کۆنمرەی زانکۆ تایبەتەکان ئەژمار دەکرێت.
6. کرێی خوێندن بۆ هەر ساڵێکی خوێندن بۆ بەشی زمانی کوردی (١،٢٠٠،٠٠٠) یەک ملیۆن و دوو سەد هەزار دینارە.
7. کرێی خوێندن بۆ هەر ساڵێکی خوێندن بۆ بەشی زمانی ئینگلیزی (١،٥٠٠،٠٠٠) یەک ملیۆن و پێنج سەد هەزار دینارە.
8. کرێی خوێندن بۆ مامۆستایان و فەرمانبەرانی میلاکی وەزارەتی پەروەردە کە خزمەتیان لە (٢) زیاترەو بەردەوامن لە پیشەکەیان بۆ هەر ساڵێک (٦٠٠،٠٠٠) شەش سەد هەزار دینارە.
9. خوێندن بۆ قۆناغی یەکەم بە سیستەمی (فۆونداتۆن) واتە بە زمانی ئینگلیزی دەبێت (١٠٠%).

سەرنج:
لە هەر بەشێک ژمارەی خوێندکار (٢٠)  کەمتر بێت فەرمانی کردنەوەی بەشەکە هەڵدەوەشێتەوە.
کاتی دەوامکردن لە کۆلێژەکە/  خوێندنی ئێواران لە (٤:٠٠)ی ئێوارەوە دەستپێدەکات.
خوازیاران دەتوانن سەردانی کۆلێژی پەروەردەو زانستەسروشتیەکان/ خوێندنی ئێواران بکەن بەشی تۆمار تەنیشت مزگەوتی ڕاپەڕین.

ئاگادارییه‌كی گرنگ بۆ ئه‌و خوێنكارانه‌ی له‌ به‌شه‌ ناوخۆیی ده‌مێننه‌وه‌..

posted Oct 4, 2017, 9:10 AM by AdminAdministration and NaturalManagement College   [ updated Oct 4, 2017, 9:37 AM ]

رۆژی یەكشەمە به‌رواری 8-10-2017 پێویستە خوێندكار سەردانی بەڕێوەبەرایەتی بەشی ناوخۆییەكان بكات لەگەڵ خۆیدا ( دوو وێنەی معاملات، كۆپی تەسكەرەو كارتی زانیاری لەگەڵ خۆی بێنێ) لەوێ فۆڕمی زانیاری بۆ خوێندكار پڕ دەكرێتەوە دواتر باجی بەشی ناوخۆیی بۆ دەكرێ، هەر خوێندكارێك باجی بەشی ناوخۆیی نەبێ مافی وەرگرتنی بەشی ناوخۆیی نابێ
بەڕێوەبەرایەتی بەشە ناوخۆییەكان

خشته‌ی هه‌فتانه‌ی وانه‌كان ...

posted Oct 3, 2017, 6:19 AM by AdminAdministration and NaturalManagement College

 خشته‌ی هه‌فتانه‌ی وانه‌كان بۆ هه‌ردوو به‌شی ژمێریاری و كارگێڕی گشتی زانكۆی چه‌رموو بۆ قۆناغی دووه‌م و سێیه‌م ..
تێبینی:
ڕۆژی شه‌ممه‌ ڕێكه‌وتی 7-10-2017 ده‌وامی ئاساییی ده‌ست پێده‌كاته‌وه‌ 

ئاگاداری گرنگ دەربارەی تاقیكردنەوەی توانست..

posted Sep 16, 2017, 11:36 AM by AdminAdministration and NaturalManagement College   [ updated Sep 16, 2017, 12:16 PM ]

ئاگاداری 
 سەرجەم ئەو خوێندکارانە ده‌كه‌ينه‌وه‌ کە فۆرمی ڕاستەوخۆیان پێشكەش بە زانكۆی چەرموو كردووە بە سیستەمی راستەوخۆ لە سەرجەم بەشەکان، پێویستە بۆ تاقیكردنەوەی توانست باجی تاقیكردنەوەی پێ بێت لەبەر گرنگی وێنەو كۆدی سەر باجەكە، چونكە هەر كاسێك باجی پێ نەبێت مافی بەژداری كردنی لە تاقیكردنەوەكان نابێت..

تێبینی:
١- هەر خوێندكارێك بە خولی یه‌كه‌م یان  دووەم دەرچوبێ پێویستە كۆپییه‌ك له‌ نمره‌كانی دەرچونی پێ بێت ..
٢- تاقیكرنەوەكان كاتژمێر (١)ی پاش نیوەڕۆ دەكرێ بۆ هەر سێ بەشی كارگێڕی گشتی و ژمێریاری و نەوت و گازو وزە..
٣- ١٨/٩/٢٠١٧ تاقیكردنەوەی بەشی گاز و نەوت و وزەیە
   ١٩/٩/٢٠١٧ تاقیكردنەوەی بەشی كارگێڕی گشتی یە
   ٢٠/٩/٢٠١٧  تاقیكردنەوەی بەشی ژمێریارییە

٤- هەر خوێندكارێك بەژدار نەبێت لە تاقیكردنەوەی توانست بەهەر بیانویەك ڕاسەوخۆ فۆڕمەكەی لە دەردەكرێ لە سیستەمی ڕاستەوخۆو ناچێتە ڕكابەرییەوە..


ئاكادارى....

posted Sep 10, 2017, 2:36 AM by AdminAdministration and NaturalManagement College

مەلزەمەی تایبەت بەبەشی ژمێریاری بۆ ئەو خوێندکارانەی کەبەشی ژمێریاری زانکۆی چەرموویان بەسیستمی ڕاستەوخۆ پڕکردۆتەوە بۆ تاقیکردنەوەی توانست...

ئاگاداری...

posted Sep 8, 2017, 9:59 AM by AdminAdministration and NaturalManagement College

  به‌شی كارگێڕی گشتی بۆ به‌رچاو ڕونی خوێنكاران هه‌ڵده‌سێ به‌ ساسزدانی سیمینارێك لەسەر چۆنیەتی تاقیکرنەوەی توانستی خوێندکاران و ئەو بابەتانەی کە گرنگن بۆ تاقیکردنەوەكه‌ به‌ سه‌رپه‌رشتی مامۆستا سه‌رخێڵ و مامۆستا پشتیوان بۆ ئه‌و بەڕێزانەی کە فۆرمی بەشی کارگێری گشتی زانکۆی چەرموویان پڕکردۆتەوە، تکایە ڕۆژی یەکشەممە ڕێکەوتی ١٠/٩/٢٠١٧ كاتژمێر (10) لە کەمپی بانی مەقان/ چەمچەماڵ، ئاماده‌بن، تكایه‌ هاوڕێیانتان ئاگادار بكه‌نه‌وه‌

ئاگادارییه‌ك بۆ خوازیارانی خوێندنی ئێواران

posted Aug 13, 2017, 10:54 AM by AdminAdministration and NaturalManagement College   [ updated Aug 13, 2017, 11:22 AM ]

ئاگاداری ئه‌و خوێندكاره‌ ئازیزانه‌ ده‌كه‌ینه‌وه‌ كه‌ قۆناغی شه‌شه‌میان بڕیوه‌ یان ئیكمالن و خوازیارن درێژه‌ به‌ خوێندن بده‌ن له‌ به‌شی خوێندنی ئێوارانی زانكۆی، ئاگادارتان ئه‌كه‌ینه‌وه‌ كه‌  زانكۆی چه‌رموو به‌شی خوێندنی ئێوارانی كردۆته‌وه‌ بۆ ئه‌مساڵی خوێندنی2018-2017 له‌ كۆلێژی كارگێڕی گشتی و به‌ڕێوه‌بردنی سامانی سروشتی له‌ به‌شه‌كانی (ژمێریاری، كارگێڕی)، به‌بێ ڕه‌چاوكردنی مه‌رجه‌كانی ساڵی ته‌واوكردنی خوێندن، مه‌رجی ته‌مه‌ن یان سیسته‌می كۆنمره‌ (هاوشێوه‌ی زانكۆ تایبه‌ته‌كان)، بۆیه‌ هه‌ر خوێندكارێكی ئازیز ئاره‌زووی ته‌واوكردنی خوێندنی ئێوارانی هه‌یه‌ له‌و به‌شانه‌ ئه‌وا ئه‌توانێت له‌ به‌رواری 3/9/2017 سه‌ردانی كه‌مپی زانكۆى چه‌رموو بكات له‌ بناری بانی مه‌قان یان سه‌ردانی ئه‌م لینكه‌ی لای خواره‌وه‌ بكات.
                                                                                                                            Admin: Goran Mohammed

زانیاری سه‌باره‌ت به‌ به‌شی (كارگێڕی نه‌وت وگاز ووزه‌)ی زانكۆی چه‌رموو...

posted Aug 2, 2017, 3:47 AM by AdminAdministration and NaturalManagement College   [ updated Aug 13, 2017, 11:24 AM ]


 زانکۆی چەرموو// کۆلێژی کارگێڕی گشتی و بەڕێوەبردنی سامانی سروشتی/ بەشی (كارگێڕی نه‌وت وگاز ووزه‌) بۆ ساڵی خوێندنی (2018-2017) خوێندکاران وەردەگرێت بە شێوازی راستەوخۆ به‌ ( سیسته‌می كۆنمره‌ یان سیستەمی پارالێڵ)،  بۆیه‌ داوا له‌و خوێندکارە ئازیزانە ده‌کەین كه‌ قۆناغی شەشەمی ئامادەییان بڕیوە یان ئیکمالن وخوازیارن بخوێنن لە بەشی (كارگێڕی نه‌وت وگاز ووزه‌) لە زانکۆی چەرموو بە ڕێگەی ڕاستەوخۆ( به‌ سیسته‌می كۆنمره‌ یان سیستەمی پارالێڵ) ئەوا دەتوانن بۆ زانیاری زیاتر سەبارەت بە بەشی (كارگێڕی نه‌وت وگاز ووزه‌) سەردانی زانکۆى چەرموو بکەن  له‌ کەمپى بنارى مەقان لە رۆژی ١٥/٨/٢٠١٧ و ڕۆژانی دواتر، یاخود لەڕێگه‌ی ئه‌م  لیفلێته‌ی لای خوارەوە زانیاری زیاتر لەسەر بەشی كارگێڕی نه‌وت وگاز ووزه‌ وەربگرن .                                                                                                                          Admin: Goran Mohammed

1-10 of 35